Posts

Showing posts with the label DEVARU

Yadava krishnanu

ಯಾದವ ಕೃಷ್ಣನು ಯುದ್ಧದಿ ಮೋಹಿತ ನಾದ ಪಾರ್ಥಗೆ ಗೀತೆಯ ಪೇಳ್ದನು. ಬಂಧುವ್ಯಾಮೋಹದಿ ಶಸ್ತ್ರವ ಬಿಸುಟಿರೆ ಅಂದದ ವಚನವ ನಂದನು ಪೇಳ್ದನು ನೊಂದದಿರೋ ಪಾರ್ಥ ಜೀವನು ನಿತ್ಯನು ಬಂದು ಪೋಗ್ವುದು ಈ ಶರೀರವು.  ೧ ಕರ್ಮದ ಮರ್ಮವ ಅರಿಯೊ ಪಾರ್ಥನೆ ಕರ್ಮದ ತ್ಯಾಗವು ಪುರುಷಾರ್ಥವಲ್ಲವು ಪರಮಪುರುಷ ಹರಿಯಜ್ಞವು ಕರ್ಮವು ಅರ್ಪಿಸೆ ಭಕುತಿಲಿ ಮುಕುತಿಯೀವುದು. ೨ ಜ್ಞಾನಿಯ ಕರ್ಮವು ಫಲವ ಕೊಡುವುದು ಹೀನ ಕರ್ಮವು ಬಂಧಕವಾಗ್ವುದು ಮನವ ಎನ್ನಲಿ ಇಡುತ ಸಕಲವು ಎನ್ನಾಧೀನವು ಎನುತಲರ್ಚಿಸು .   ೩ ಧ್ಯಾನಕೆ ಜ್ಞಾನವು ಜ್ಞಾನಕೆ ಕರ್ಮವು ಮನದ ಶಾಂತಿಗೆ ಶುದ್ಧ ಕರ್ಮವು ಇನಿತು ಮೋಕ್ಷಕೆ ಸಾಧನ ಕರ್ಮವು ಅನಿಲಮತವಿದು ಏಳೆಲೊ ಪಾರ್ಥನೇ. ೪ ಜಗದ ಚಕ್ರವ ನಿರುತ ತಿರುಗಿಸು ರಾಗವ ವಿಷಯದಿ ಧೈರ್ಯದಿ ಭೇದಿಸು ಸಾಗರಶಯನನು ಸಕಲ ನಿಯಂತೃವು ಬಗೆದು ದೇಹವ ಬಿಡೆ ನಿರ್ವಾಣವು. ೫ ಎನ್ನ ಭಕುತರು ನಾಶ ಹೊಂದರು ಎನ್ನ ದ್ವೇಷಿಸೆ ತಮವು ನಿಯತವು ಮನವ ಸಾತ್ವಿಕ ಪಥದಿ ಕೂಡಿಸೊ ಎನ್ನ ಪೂಜೆಯು ವಿವಿಧ ಧರ್ಮವು. ೬ ರಮೆಗೆ ಅರಸನು ಭಕ್ತಿಗೆ ಒಲಿವೆನು ಸಮನು ಉತ್ತಮ ಪುರುಷ ಕ್ಷೇತ್ರಜ್ಞನು ತಮವು ನೀಗಿತೆ ಶಸ್ತ್ರವ ಹಿಡಿಯೆಲೊ ನಿಮ್ಮದೆ ಜಯವೆಂದ ರಾಘವವಿಠಲನು. ೭

JOKE GOPIYARELLA

 ಜೋಕೆ ಗೋಪಿಯರೆಲ್ಲ ಜೋಕೆ ಗೋಪಿಯರೆ ತೋಕತನದಲಿ ತಾನು ನೋಕನೀಯನು ಇಪ್ಪ ಏನು ಬಣ್ಣಿಸಲವನ ನಿತ್ಯ ಚೆಲುವಿಕೆಯನು ಭಾನುಸಾಸಿರ ಕೋಟಿ ಪ್ರಕಾಶ ಸುಹಾಸ ತಾನೆಂಥ ಚೆಲ್ವ ಎಂದು ಮೈಮರೆಯದಿರಿ ಜಾಣ ನುಸುಳಿ ಬೆಣ್ಣೆ ಕದಿಯುವ ನೋಡೆ.        ೧ ಪುಟ್ಟ ಬಾಲಕನೆಂದು ಮೋಸ ಹೋಗದಿರೆ ಇಟ್ಟ ಉದರದಲ್ಲಿ ಸಕಲ ಜಗವ ಕಣೆ ಇಟ್ಟ ಪಾಲ್ ಮೊಸರ ಒಬ್ಬನುಣ್ಣವ ನೋಡೆ ಬಿಟ್ಟದ್ದನ್ನು ಮರ್ಕಟಕಿಡುವ ಕಾಯೆ.               ೨ ಕೆಟ್ಟತನವು ಇಲ್ಲ ಸುಗುಣ ಪೂರ್ಣನಿಗೆ ಬೆಟ್ಟ ಹೊತ್ತುವ ಮುಂದೆ ಎಮ್ಮ ಹಿತಕ್ಕೆಂದೆ ಕಟ್ಟಿದ ತುರುಕರು ಬಿಡಿಸಿ ಓಡುವನಲ್ಲೆ ಪಟ್ಟ ಕಷ್ಟವನೊಂದಿಷ್ಟು ಎಣಿಸನಲ್ಲೆ.              ೩ ವಿಷವುಣುವನಲ್ಲೆ ವಿಷಶಯನನು ಕಣೆ ಉಷರ್ಬುದನ ಮೆಲ್ವ ಅಗ್ನಿಮುಖನು ತಾನೆ ವಿಷದನ ಮೇಲ್ ಕುಣಿವ ವಿಷದಮಂಚವು ಕಣೆ ದ್ವಿಷರ ಬಡಿವನಲ್ಲೆ ಅಸುನಾಥಗೆಣೆಗಾಣೆ.      ೪ ಸರದಿ ಜಾರಿದನಲ್ಲೆ ಮತ್ಸ್ಯರೂಪನು ತಾನೆ ಗಿರಿ ಹೊತ್ತಿದ ಹ್ಯಾಂಗೆ ಕೂರ್ಮರೂಪನು ತಾನೆ ಧರೆಯ ಮೆಲುವನಲ್ಲೆ ಧರೆಯಧರನು ತಾನೆ ಅರಿಗಳ ಭಯವಹುದೆ ನರಹರಿಯು ತಾನೆ.   ೫ ಹಿರಿದು ರೂಪವು ಹ್ಯಾಂಗೆ ವಾಮನ ತಾನಲ್ಲೆ ಕುರುಪ ಕುಲ ಅಂತಕ ಭಾರ್ಗವ ತಾನಲ್ಲೆ ಅರದೂರ ಕುಬ್ಜೆಯು ಶ್ರೀ ರಾಮ ತಾನಲ್ಲೆ ಪರಸತಿ ಪ್ರಿಯನಲ್ಲೆ ಸಿರಿ ಕೃಷ್ಣ ತಾನಲ್ಲೆ.     ...

Namo Namo Bhargava Rama

 ಝಂಪೆ ತಾಳ ನಮೋ ನಮೋ ಭಾರ್ಗವ ರಾಮ ನಮೋ ನಮೋ ನೀರದ ಶ್ಯಾಮ ನಮೋ ಕೋಡಂಡಪರಶು ಧರನೆ ನಮೋ ಜಮದಗ್ನಿ ಶಿರಸ್ಸಂಧಾತನೆ ನಮೋ ಪಿತೃ ವಾಕ್ಯ ಲಾಲಿಪನೆ ನಮೋ ಮಾತೃಭಯ ನಿವಾರಕನೆ.         ೧ ಕಾರ್ತವೀರ್ಯನು ಅಘವನೆಸಗಲು ಆರ್ತ ಜನನಿಯ ಸಂತೈಸುತಲಿ ಆತ್ತಚಾಪಪರಶು ಧಾವಿಸಿ ಬಂದೆಯೋ ಪೂರ್ತ ಸೈನ್ಯದ ಶಿರವ ಕೆಡುಹಿದೆ.          ೨ ಎನ್ನ ಕಾಮವೆ ತುರಗ ಮದವು ದ್ವಿರದವು ಎನ್ನ ಕ್ರೋಧವೆ ಭಟ ಲೋಭ ಮಹಾರಥ ಇನ್ನು ಮೀರಿದ ಸೈನ್ಯ ಕೆಡಹಲಾಯುಧವ ಚೆನ್ನ ರಾಘವ ವಿಠಲ ಮತ್ತೆ ಧರಿಸಿದೆಯೇನೋ.  ೩

GARUDANA HEGALERI HORATANU

ಗರುಡನ ಹೆಗಲೇರಿ ಹೊರಟಾನೊ ದೇವನು  ಸರುವರಿಗಿಷ್ಟಾರ್ಥ ಕೊಡಲೆಂದು ಕುಂಡಿನ ಪುರದಲ್ಲಿ ಚೆಲುವೆ ರುಕ್ಮಿಣಿಯ ಕಂಡು ವರಿಸಲು ರಾಜರು ಬಂದಿರಲು ದಂಡಿಸಿ ಅವರನ್ನು ನಿಜಸತಿಯ ಕೂಡಲು ಅಂಡಜಜನಕನು ಸಿಂಗರಿಸಿಕೊಳ್ಳುತ್ತಾ.         ೧ ದೇವಮಾತೆ ಸುತನೊಡನೆ ಮೊರೆಯಿಡಲು ದೇವದೇವನು ನರಕನ ವಧಿಸಲು ದೇವಪ ಸತಿಯಳ ಗರ್ವವ ಮುರಿಯಲು ದೇವ ವೃಕ್ಷವ ತಂದು ಭಾಮೆಯ ಒಲಿಸಲು.   ೨ ಸಕಲ ಸುರರು ಸಂಭ್ರಮದಿ ಸೇರಿರಲು ಬಕುಲೆಗಿತ್ತಂಥ ಮಾತನ್ನು ನಡೆಸಲು ಸಕಲರ ಜನನಿಯ ಪದುಮೆಯ ವರಿಸಲು ಲಕುಮಿನಲ್ಲನು ತಾ ಸಡಗರದಿಂದಲಿ.           ೩ ಕರಿಯ ಮಕರಿಯು ಪಿಡಿದು ಪೀಡಿಸುತಿರೆ ಪರಿಪರಿ ಸ್ತುತಿಯ ರಚಿಸಿ ಪಾಡುತಲಿರೆ ಕರವನೆತ್ತಿ ಜಗದಾದಿ ಶರಣೆನಲು ತ್ವರಿತದಿ ರಕ್ಷಿಸಿ ಬಿರುದನ್ನು ಉಳಿಸಲು.        ೪ ಬಗೆ ಬಗೆ ಜನಗಳು ಧಾವಿಸಿ ಬರುತಿರಲು ಜಗದೋದ್ಧಾರ ನಿನ್ನ ಕಾಣದಾದೆವೆನಲು ಬಗೆ ಬಗೆ ಭೂಷಣ ಮುಕುಟ ಹಾರವ ಧರಿಸಿ ಮಿಗೆ ಹರುಷದಿಂದಲಿ ರಾಘವ ವಿಠಲನು.   ೫

JO JO SHESHADRIVASA LALI PADA

ಜೋಜೋ ಜೋಜೋ ಶೇಷಾದ್ರಿವಾಸ  ಜೋಜೋ ಜೋಜೋ ಹೇ ಶ್ರೀನಿವಾಸ. ಪ ಜೋಜೋ ಭಕ್ತರ ಹೃತ್ಕಂಜವಾಸ ಜೋ ಜೋ ಭೃತ್ಯರ ಭವ ಪರಿಹಾಸ. ಅಪ ಜೋಜೋ ಗುಣಸಾಂದ್ರ ದೋಷವಿದೂರ ಜೋಜೋ ಅಪಗತದೈತ್ಯಕುಭಾರ ಜೋಜೋ ಮಾನಸ ವಚನಕೆ ದೂರ  ಜೋಜೋ ನಿಜಜನ ತಾಪಪರಿಹಾರ  ೧ ಜೋಜೋ ನಿಷ್ಕ್ರಾಂತ ಪ್ರಾಕೃತ ಮೂರ್ತಿ  ಜೋಜೋ ಆಮ್ನಾಯ ಪ್ರಥಿತಸತ್ಕೀರ್ತಿ ಜೋಜೋ ಲಾವಣ್ಯ ಸುಂದರ ಮೂರ್ತಿ ಜೋಜೋ ಶೀತಾಂಶು ಸಾಸಿರ ಕಾಂತಿ  ೨  ಜೋ ಜೋ ಜೋಜೋ ಜೋ ವರದೇಶ  ಜೋ ಜೋ ಜೋಜೋ ಜೋ ಹೃಷಿಕೇಶ ಜೋಜೋ ಮುಕ್ತಾಮುಕ್ತವರ್ಗೇಶ  ಜೋಜೋ ರಾಘವ ವಿಠಲ ಮಧ್ವೇಶ. ೩

KELE KELE YASHODE

ಕೇಳೆ ಕೇಳೆ ಯಶೋದೆ ನಿನ್ನ ಮಗನ ಚೇಷ್ಟೆಯ‌     ವ್ಯಾಳೆ ವ್ಯಾಳೆಗೆ ಕೂಡಿ ಸಖರಿಂ ಬರುವ ಚೋರನ ಬೇಡ ಕೃಷ್ಣನೇ ಕೆನೆಯ ಪಾಲದು ಕುಡಿಯದಿರೆಲೋ ಹರಿಗೆ ಮೀಸಲು  ಬೇಡಿಕೊಂಡರೆ ನಗುತಾ ಗೋಪೀ  ಕುಡಿದು ತಾನೆ ದೈವನೆಂದನು.        ೧ ಬರುವ ಚೆಲುವನು ಬೆಣ್ಣೆ ಕದಿವನು ಒರಳ ಮೇಲೆ ಕುಳಿತು ಮೆಲುವ ಪರಮ ಎಂಜಲ ಕೊಡದೆ ಪೋಪನು  ದುರುಳತನದಲಿ ಮರ್ಕಟಕಿಡುವ.     ೨ ಕುದಿವ ಹಾಲನು ಇಡಲು ಗೋಪಿ  ಒದಗಿ ಬಂದು ಕುಡಿವನಮ್ಮ ಉದಧಿ ಮೊಗದೊಳು ಇರುವುದೇನೆ ಚದುರ ಕೃಷ್ಣಗೆ ತಿಳಿಯೆನಮ್ಮ.          ೩ ಕತ್ತಲೆ ಕೋಣೆಲಿ ಗಡಿಗೆ ಬಡಿಯಲು ಮೆತ್ತಗೆ  ಹ್ಯಾಂಗೆ ಹೋಗುವನಮ್ಮ  ಕಿತ್ತೆಸೆದು ಭಾಂಡವ  ಬೆಣ್ಣೆ ಮೆಲುವ  ನೇತ್ರದಿ ತರಣಿ ಶಶಿಗಳಿಹರೆ.             ೪ ಹಿಂದಿನಿಂದಲಿ ಪಿಡಿಯಲೋಸುಗ  ಮಂದಗತಿಯಲಿ ಬರಲು ನಾನು  ಮಂದಹಾಸವ ಸೂಸಿ ಓಡಿದ  ಕಂದ ನಿನ್ನಯ ವಿಶ್ವನೇತ್ರನೆ .         ೫ ಒಂದು ಕರದಲಿ ಗಡಿಗೆ ಒಡಿವನು  ಒಂದು ಕರದಲಿ ಘಂಟೆ ಪಿಡಿವನು ಒಂದು ಕರದಲಿ  ಬೆಣ್ಣೆ ಮೆಲುವನು ಒಂದು ಕರದಿಂದ ಸಖರಿಗಿಡುವ.      ೬ ಬಿಗಿಯಲೇನೇ ಕಂಬಕಿವನ  ಅಗಮ್ಯ ಮಹಿಮನು ಕಂಬ ಸೆಳೆವನು ನಗುತ ಸಕಲರ ಮನವ ಸೆಳೆವನು...

TAPPADE NAMISELO HARICHARANA

ತಪ್ಪದೇ ನಮಿಸೆಲೊ  ಹರಿ ಚರಣ ಕಮಲವ  ತಪ್ಪು ಸಾಸಿರ ಒಪ್ಪಿ ಕಡುಕರುಣಿ ಕಾಯ್ವನು ಹತ್ತು ಅಶ್ವಮೇಧಗಳ ಮಾಡಿದ ಮ್ಯಾಲೂ  ಮತ್ತೆ ಧರೆಗೆ ಬಂದು ಪುಟ್ಟಲಿ ಬೇಕು ಚಿತ್ತಜನಯ್ಯನ ಭಕುತಿಲಿ ನಮಿಸಲು ಇತ್ತು ಮೋಕ್ಷದ ಸುಖ ಎಂದಿಗೂ ಸಲಹುವ                ೧ ಶಿರಬಾಗಿ ಮನದಲ್ಲಿ ಹರಿಯ ನೆನೆಯುತ್ತ ಸತತ ಕರಮುಗಿದು ದೃಷ್ಟಿಯ ಹರಿರೂಪದಿ ನೆಲೆಸುತ್ತ ಉರಸನ್ನೆ ಧರೆಗಿಟ್ಟು ವಚಸಾ ಸ್ತೋತ್ರವ ಮಾಡಿ ಚರಣ ಮಂಡಿಯ ಚಾಚಿ ಭಾವುಕತನದಲ್ಲಿ                ೨ ಅವಜ್ಞೆಯಿಂದಲೂ ಸರಿ ನಮಿಸಲು ಹರಿಯನ್ನು ಅವನಿಧರ ತಾ ಶಿಶುಪಾಲಹರನು ಕಾಯ್ವ ಭುವನ ಸುಂದರನ ಪದವ ನಮಿಸದಿರಲು ಮತ್ತೆ ಅವನ ಸೆಳೆದು ತನ್ನಿ ಎಂದನು ಭಟರಿಗೆ ಯಮನು.     ೩ ನಮೋ ನಮೋ ಅನಿರುದ್ಧ ನಮೋ ನಮೋ ಪ್ರದ್ಯುಮ್ನ ನಮೋ ಸಂಕರುಷಣ ನಮೋ ವಾಸುದೇವನೆ ನಮೋ ಹತ್ತವತಾರನೇ ನಮೋ ಅನಂತ ರೂಪನೆ ನಮೋ ಅಗಣ್ಯ ಮಹಿಮನೆ ನಮೋ ನಮೋ ಎನ್ನುತ ೪ ಗುರು ಅಂತರ್ಯಾಮಿ ಶ್ರೀ ರಾಘವ ವಿಠಲನು  ಗುರುವಾಕ್ಯವಾಲಿಸಿ ನಮಿಪ ಸಜ್ಜನರನ್ನು ಗುರುತರ ಬಾಧೆಯ ಬಿಡಿಸಿ ಮುಕುತಿಯಿತ್ತು ಗುರು ಮೋದ ಉಣಿಸುತ್ತ ಬಿಡದೆ ಪಾಲಿಪ ನಿತ್ಯ.     ೫

BENNE KADIYADIRO

ಬೆಣ್ಣೆ ಕದಿಯದಿರೋ ಹೇ ಕೃಷ್ಣ ಚಿಣ್ಣರ ಕೂಡಿ ಮನೆ ಮನೆಗೆ ಹೋಗಿ ನಂದ ನಂದನ ಕೃಷ್ಣ ಸುಂದರ ಬೇಡುವೆ  ಇಂದಿರೆ ರಮಣನೆ ಕುಂದು  ವಿದೂರನೆ  ಇಂದುಮುಖಿಯಳೇ ಕೇಳೆ ತಿಂದು ಹಾಲ್ ಬೆಣ್ಣೆಗಳ  ಕುಂದು ಕಳೆಯುತ ಮೋಕ್ಷಾನಂದ ಈವೆನೇ ತಾಯೆ.     ೧ ಎಮ್ಮ ಮನೆಯ ಹಾಲು ಬೆಣ್ಣೆ ಸಾಲದೆ ನಿನಗೆ  ಗುಮ್ಮಗೆ ಇಡುವೆನೊ ತುಂಟತನವು ಬೇಡ ಅಮ್ಮ ಸಾಲದೆ ನನಗೆ ಉದರ ಬಹು ಎನಗಿದೋ ಬೊಮ್ಮಾಂಡ ವಿದೆ ನೋಡೆ ಎನ್ನುತ್ತಾ ಬಾಯ ತೆರೆದ.  ೨ ಕಳ್ಳ ಎನ್ನುವರೊ ಕೃಷ್ಣ ಬೇಡವೊ ಚೌರ್ಯವು  ಸುಳ್ಳ ಎನುವರೊ ಮನಕೆ ಖೇದವು ಬಹಳವು ಕಳ್ಳ ಎನ್ನುವರ ಪಾಪ ಕದ್ದು ಗತಿಯ ಕೊಡುವೆ  ಬಲ್ಲಿದ ರಾಘವ ವಿಠಲ ಓಡಿದ ಹೇಳಿ.                      ೩

VEDAVYSA MADHWA

ವೇದವ್ಯಾಸ ಮಧ್ವಹೃದ್ಗುಹವಾಸ ಬೋಧವೀಯೋ ಶಮ್ಯಾಪ್ರಾಸನಿವಾಸ ಕೀಟ ರಾಜ್ಯ ದಾತನೆ ನಮಿಪೆ ಪದಯುಗ ಪಾಟವದಿಂದ ವೇದ ಬಿಡಿಸಿದ ಧೀರನೆ ಖೇಟಮತಿಮತಗಳ ಆಟೋಪಕಿರಿಸದೆ ಚೇಟಕತನವಿತ್ತು ಕ್ಲೇಶಲೇಶಗಳಳಿಸೋ.                  ೧ ಅನುಪಮ ಮಹಿಮನೆ ಗುಣಗಣನಿಲಯನೆ ಮುನಿವರ ಮಹಿತನೆ ಸಕಲದೋಷಘ್ನನೆ ಅನಿಶ ಸುಜ್ಞಾನ ಅಭಯವ ಕರುಣಿಸೋ ಅನುಮಾನತೀರ್ಥರ ಚಿತ್ತ ಮಂಟಪದೀಡ್ಯ.             ೨ ಪರಮ ಸಂಪದವಿತ್ತು ಪಾಂಡುತನಯರ ಪೊರೆದ ಪರಮಪುರುಷನೊ ಈತ ಸರಳ ಮುನಿಯಲ್ಲವೋ ಪರಮೋಲ್ಲಾಸದಿ ಭಜಿಪ ಸುಜನಸ್ತೋಮಕೆ ನಿತ್ಯ ಪರಮಗತಿಯೀಯುವ ರಾಘವ ವಿಠಲ ಕಂಡ್ಯ.        ೩

KELE KELE YASHODE

ಕೇಳೆ ಕೇಳೆ ಯಶೋದೆ ನಿನ್ನ ಮಗನ ಚೇಷ್ಟೆಯ‌     ವ್ಯಾಳೆ ವ್ಯಾಳೆಗೆ ಕೂಡಿ ಸಖರಿಂ ಬರುವ ಚೋರನ ಬೇಡ ಕೃಷ್ಣನೇ ಕೆನೆಯ ಪಾಲದು ಕುಡಿಯದಿರೆಲೋ ಹರಿಗೆ ಮೀಸಲು  ಬೇಡಿಕೊಂಡರೆ ನಗುತಾ ಗೋಪೀ  ಕುಡಿದು ತಾನೆ ದೈವನೆಂದನು.        ೧ ಬರುವ ಚೆಲುವನು ಬೆಣ್ಣೆ ಕದಿವನು ಒರಳ ಮೇಲೆ ಕುಳಿತು ಮೆಲುವ ಪರಮ ಎಂಜಲ ಕೊಡದೆ ಪೋಪನು  ದುರುಳತನದಲಿ ಮರ್ಕಟಕಿಡುವ.     ೨ ಕುದಿವ ಹಾಲನು ಇಡಲು ಗೋಪಿ  ಒದಗಿ ಬಂದು ಕುಡಿವನಮ್ಮ ಉದಧಿ ಮೊಗದೊಳು ಇರುವುದೇನೆ ಚದುರ ಕೃಷ್ಣಗೆ ತಿಳಿಯೆನಮ್ಮ.          ೩ ಕತ್ತಲೆ ಕೋಣೆಲಿ ಗಡಿಗೆ ಬಡಿಯಲು ಮೆತ್ತಗೆ  ಹ್ಯಾಂಗೆ ಹೋಗುವನಮ್ಮ  ಕಿತ್ತೆಸೆದು ಭಾಂಡವ  ಬೆಣ್ಣೆ ಮೆಲುವ  ನೇತ್ರದಿ ತರಣಿ ಶಶಿಗಳಿಹರೆ.             ೪ ಹಿಂದಿನಿಂದಲಿ ಪಿಡಿಯಲೋಸುಗ  ಮಂದಗತಿಯಲಿ ಬರಲು ನಾನು  ಮಂದಹಾಸವ ಸೂಸಿ ಓಡಿದ  ಕಂದ ನಿನ್ನಯ ವಿಶ್ವನೇತ್ರನೆ .         ೫ ಒಂದು ಕರದಲಿ ಗಡಿಗೆ ಒಡಿವನು  ಒಂದು ಕರದಲಿ ಘಂಟೆ ಪಿಡಿವನು ಒಂದು ಕರದಲಿ  ಬೆಣ್ಣೆ ಮೆಲುವನು ಒಂದು ಕರದಿಂದ ಸಖರಿಗಿಡುವ.      ೬ ಬಿಗಿಯಲೇನೇ ಕಂಬಕಿವನ  ಅಗಮ್ಯ ಮಹಿಮನು ಕಂಬ ಸೆಳೆವನು ನಗುತ ಸಕಲರ ಮನವ ಸೆಳೆವನು...

RAMANA TUGIRO LALI PADA

ರಾಮನ್ನ ತೂಗೀರೋ ರಘುವಂಶತಿಲಕನ್ನ ಶ್ಯಾಮಸುಂದರನ್ನ ತೂಗೀರೋ                   ಪ ನೇಮದಿ ಭಜಿಪರ ಶರಣನ್ನ ತೂಗೀರೋ ಕಾಮ ಜನಕನ್ನ  ತೂಗಿರೋ.                    ಅಪ ಸುಗುಣಭರಿತನ್ನ ದೋಷವಿದೂರನ್ನ ಅಗಣಿತ ಮಹಿಮನ್ನ ತೂಗೀರೋ ಬಗೆ ಬಗೆ ಲೀಲೆಯ ತೋರಿದ ಕರುಣನ್ನ ಜಗದಾದಿಪಾಲನ್ನ ತೂಗೀರೋ.                 ೧ ಪಾವನ ಪಾದನ್ನ ನಾರಿಯ ಪೊರೆವನ್ನ ಪಾವಮಾನಿ ಪ್ರೀಯನ್ನ ತೂಗೀರೋ ಭಾವಗಂಭೀರವಚನನ್ನ ಭೌಮನ್ನ ರಾವಣಾಂತಕನ್ನ ತೂಗೀರೋ.                  ೨ ರಾಮನ್ನ ಮರಕತಶ್ಯಾಮನ್ನ ತೂಗೀರೋ ರಾಮೆಯ ಹೃತ್ಕಂಜಸೂರ್ಯನ್ನ ರಾಮನ್ನ ಲೋಕವ ರಮಿಪನ್ನ ತೂಗೀರೋ ಆ ಮಹಾನಂದನ್ನ ತೂಗೀರೋ.               ೩ ಪರತತ್ವ ಪರಮಾಪ್ತ ಪರದೈವ ನೋಡಿರೋ ಪರಬ್ರಹ್ಮರೂಪನ್ನ ಪಾಡಿರೋ ಪರಗತಿಯಿಪ್ಪನ್ನ ಪರವಾಸುದೇವನ್ನ ಪರಿಪರಿಯಿಂದಲಿ ಬೇಡಿರೋ.                ೪ ಭೋಗಿಯ ಅಗ್ರಜ ಸುಗ್ರೀವ ಮಿತ್ರನ್ನ  ಭಾಗವತರ ಭಾಗ್ಯನ್ನ ನೀಗಿಸು ಬೇಗನೆ ಭವಬಂಧವೆನ್ನುತ  ತೂಗಿರೋ ರಾಘವ ವಿಠಲನ್ನ.         ...

NINTA SRIMANTA SIRIVANTA

ನಿಂತ ಶ್ರೀಮಂತ ಸಿರಿವಂತ ಎಂಥ ಕರುಣಿ ಹನುಮಂತ ಪ್ರಿಯ ನಿಂತ ದಾರಿದ್ರ್ಯ ಬಹುಯಿರಲು ಸುದತಿಯು ಮೊರೆಯಿಡಲು ಮಾರಪಿತನ ಬೇಡಿ ಧನವ ತಾ ಎನುತಿರಲು ಘೋರ ಭವಾಟವಿಯೊಳು ಬಳಲುವ ಜನ ತಾರಕ ಕೃಷ್ಣನ ನೋಡ ಬಂದ ಸಖಗೆ.          ಪಕ್ಕದಾಲಯದಿಂದ ಹರಿಗೆ ಅರ್ಪಿಸಲವ ಲಕ್ಕಿ ಮುಷ್ಠಿಯ ವಸನದೊಳು ಬಿಗಿದು ಒದಗಿರೆ ಚೊಕ್ಕ ದ್ವಾರಕೆ ಪೊಂದಿ ಬೆರಗಾಗಿ ನೋಡಲು ಚಕ್ಕನೆ ನಿಂತನು ಸಖನ ಪೂಜೆಯಗೈದ.       ಗುರುಕುಲವಾರ್ತೆಯ ಸ್ಮರಿಸಿ ಹಿಗ್ಗುತಲಿರೆ ಗುರು ಜಗನ್ನಾಥನು ಪೃಥುಕ ತಂಡುಲವನ್ನೆ ಉರು ಪ್ರೀತಿಯಿಂದಲಿ ಕರದಿ ಕಸಿದು ಮೆದ್ದ ಸಿರಿ ಕರ ಪಿಡಿಯಲಭೀಷ್ಟವರವಿತ್ತ ಕರುಣಿ.   ಎಂದು ಬೇಡನು ಧನವ ರಕ್ತಿರಹಿತರ ಮಣಿ ನೊಂದ ಭಾಮೆಯವಾಕ್ಯ ನಡೆಸಲೋಸುಗ ಇಹನು ಎಂದು ನೀಗದ ಧನವಿತ್ತು ಪೊರೆವೆನು ಎನುತ ನಿಂದು ಧಾವಿಸಿ ಬಂದು ವರಮತಿ ವರವಿತ್ತ.  ಭಕ್ತವತ್ಸಲ ಭಕ್ತರಪರಾಧ ಸಹಿಪನು ಭಕ್ತರಿಪ್ಪುವ ಪತ್ರಫಲ ಒಪ್ಪುವ ಕರುಣಿ ಭಕ್ತರಿಗಿಪ್ಪನು ವಿಫುಲ ಸಂಪದಗಳನು ಭಕ್ತ ಕುಚೇಲಗೆ ರಾಘವ ವಿಠಲನು.   

SANGAVAGALI SADHU SADHAVAGALI

ಸಂಗವಾಗಲಿ ಸಾಧುಸಂಗವಾಗಲಿ ರಂಗನ ದಯದಿ ಭವಭಂಗವಾಗಲಿ. ಸರುವರುತ್ತಮನು ಹರಿ ಎಂಬೋ ಜಾಣರ ಸರುವ ನಿಗಮವೇದ್ಯ ಎಂದು ಸಾರಿ ಪೇಳ್ವರ ಸರುವ ಸುಗುಣಪೂರ್ಣ ದೋಷಲೇಶಹೀನನು ಸರುವ ಶಕುತ ವಶೀ ಎಂದು ಧೈರ್ಯದಿಸಾರುವ.        ೧                ಅಗಣಿತ ಮಹಿಮನು ಸಕಲ ಸೃಜಿಪನು ಜಗವ ಕಾಯ್ವ ಮತ್ತೆ ಲಯವ ಮಾಳ್ಪ ಚತುರನು ಖಗವನೇರಿ ಸುತ್ತ ಪೋಪ ಶೇಷಶಯನನು ಭಗವುಳ್ಳ ಲಕುಮೀನಲ್ಲ ಎಂದು ಪೊಗಳುವ.            ೨ ನಲ್ಲೆ ಲಕುಮೀ ಇವನ ಮಹಿಮೆ ಆವ ಕಾಲಕ್ಕೂ ಬಲ್ಲದಿರಲು ಆವ ಪ್ರಾಣಿ ಮತ್ತೆ ತಿಳಿವನು ಫುಲ್ಲನಯನ ಕುಡಿಯನೋಟ‌ಶಕುತಿಯಿಂದಲಿ ಎಲ್ಲ ಜಗದ ಕಾರ್ಯ ಸಿರಿಯು ಮಾಳ್ಪರೆಂಬರ.          ೩ ಸಕಲ ಜೀವರುತ್ತಮನು ವಾಯುಯೆಂಬರ ಪ್ರಕಟ ಹನುಮ ಭೀಮ ಮಧ್ವ ಮುನಿಯ ಭಕ್ತರ ವಿಕಲಮತಿ ಅವರ ಮತ ದ್ವೇಷ ಮಾಳ್ಪರ ಸಕಲ ಕಾಲದಲ್ಲು ಹರಿಯ ಸ್ಮರಿಸುತಿಪ್ಪರ.                ೪ ಬೊಮ್ಮವಾಯುರುದ್ರಇಂದ್ರ ಮೊದಲು ತ್ರಿದಶರ ಹೆಮ್ಮೆಯಿಂದ ತಾರತಮ್ಯ ತಿಳಿದು ಭಜಿಪರ ಒಮ್ಮನದಿಂದ ಸಕಲ ದಾಸವರ್ಗವ ಉಮ್ಮಯದಿಂದ ಪಾಡಿ ಪೊಗಳಿ ನಲಿವರ.              ೫ ನಿಂದಾಸ್ತುತಿ ಜಯಾಜಯ ಲಾಭಾಲಾಭವ ಎಂದು ಹರಿಯ ವಶವೆಂದು ತಿಳಿದು ನಡೆವರ ಕುಂದು ಬರದಂತೆ ಧರ್ಮ ಮಾಡಿ ನಲಿ...

ELU BHAGAVANTHA ESHTU NIDRE

ಏಳು ಭಗವಂತ ಎಷ್ಟು ನಿದ್ರೆ  ಏಳು ಸಿರಿವಂತ ಎಷ್ಟು ನಿದ್ರೆ ರಮೆಯ ಸ್ತುತಿಯ ಕೇಳಿ ತಮವ ಕುಡಿಯಲು ಬೇಕು ಸಮವ್ಯಾಪ್ತೆ ಸತಿಗಿನ್ನು ನಂದವೀಯಲಿ ಬೇಕು ಸುಮನಸ ಮುಕುತರ ಕೂಡಿ ನಲಿಯಲು ಬೇಕು ತಮವ ಪರಿಣಮಿಸುತ ಜಗವ ಸೃಜಿಸಲಿ ಬೇಕು.           ಅನಂತ ರೂಪದಿ ತಾನು ಜಗವ ನಡೆಸಲಿ ಬೇಕು ಅನಂತ ಪ್ರದೇಶ ಕಾಲ ವಿಶೇಷಗೊಳಿಸಲು ಬೇಕು ತನು ಸಂಯೋಜಿಸಿ ಜೀವರ ತರಬೇಕು ಇನಿತು ಮಹದಾದಿಯ ಸೃಜಿಸಿ ಬೀಗಲಿಬೇಕು.            ಹಿರಣ್ಯಾಂಡವನು ಕಟ್ಟಿ ವ್ಯಾಪಿಸಿಯಿರಬೇಕು ಸರಸಿಜವನೆ ಪಡೆದು ಬೊಮ್ಮನ ಪಡೆಯಲಿಬೇಕು ತರತರ ಸೃಜಿಸುವ ವಿಧಿಯ ನೇಮಿಸಬೇಕು ಪರಮಪಾವನ ಚರಿತೆ ಜಗದಿ ಹರಡಲಿ ಬೇಕು.          ಅಜನ ಒಳಹೊಕ್ಕುತ ಜಗವ ಸೃಜಿಸಲಿ ಬೇಕು ನಿಜರೂಪದಿಂದಲಿ ಜಗವ ಕಾಯಲಿ ಬೇಕು ಅಜಸುತನ ಒಳಹೊಕ್ಕಿ ಜಗವ ಅಳಿಸಲಿ ಬೇಕು ಸುಜನರ ಪೊರೆಯುತ ದುರುಳರ ಗೆಲ್ಲಬೇಕು.          ಪರಿಪರಿ ಭಕುತರ ಪೂಜೆಗ್ರಹಿಸಲು ಬೇಕು ಪರಿಪರಿ ಭಜಿಪರ ದುರಿತ ಕೀಳಲಿಬೇಕು ಪರಿಪರಿ ಗತಿಯನ್ನು ಭಕುತರಿಗಿಡಬೇಕು ಪರಿಸರಪದ್ಧತಿ ರಾಘವ ವಿಠಲ ಏಳು.       

KATIYALLI KARAVITTANU

ಕಟಿಯಲ್ಲಿ ಕರವಿಟ್ಟೆಯೋ ಕಾರಣವೇನು  ಪಟು ಪಂಢರಿರಾಯ ಸೂಸಿ ಪೇಳೆಲೋ ಈಗ ಅನಾದಿ ಕಾಲದಿ ನಿತ್ಯಾನಂತ ಬ್ರಹ್ಮಾಂಡ ಸೃಜಿಸಿ ಮನಕೆ ಬಂದ ತೆರದಿ ಜೀವಗಣಗಳ  ಕುಣಿಸಿ ಅನುಗುಣ ಫಲಗಳ ಜೀವರಾಶಿಗೆ ಇರಿಸಿ ಅನುಪಮ ಮಹಿಮನೆ ಶ್ರಮದಿಂದಲೇನು ಪ್ರಭುವೇ.   ನಿನ್ನ ಭಜಿಪ ಭಕುತ ಜನರನುಸರಿಸಿ ನಿತ್ಯ ಬನ್ನ ವಿವಿಧ  ಕಳೆದು ಅಮೃತ  ಛಾಯೆಲಿ ಪೊರೆವ ನಿನ್ನ ವ್ರತವ ಸತ್ಯ ಮಾಡಲಾನಂತ ರೂಪ ವನ್ನು ಧರಿಸಿ ಹಿಂದೆ ಹೋಗಿ ಹೋಗಿ ಶ್ರಮವೇ.           ಪರಿ ಪರಿ ಭಕುತರನೇಕ ಸಂಖ್ಯೆಲಿ ನಿತ್ಯ ಚರಣ ದ್ವಂದ್ವವ ಪಿಡಿದು ಶರಣು ಎನ್ನಲು ಸ್ವಾಮಿ ದುರಿತ ತೂಲವ ದಹಿಸಿ ಪಾರುಗಾಣಿಸಿ ಶ್ರಮವೆ ಪರಮ ಪುರುಷನೆ ಕಾಯೋ ರಾಘವ ವಿಠಲನೆ.

JAYAVENNIRE HARIGE NITYADALI - DASHAVATHARA

ಜಯವೆನ್ನಿರಿ ಹರಿಗೆ ನಿತ್ಯದಲಿ ಜಯವೆನ್ನಿರಿ ಹರಿಗೆ ಜಯವೆನ್ನಿರಿ. ಮತ್ಸ್ಯರೂಪದಿ ಪ್ರಳಯ ಜಲವನ್ನು ಹೊಕ್ಕಿ ರಮಿಸಿದ ಸುಗುಣನಿಗೆ ಸತ್ಯವ್ರತಗೆ ಮನುಪದ ಕೊಟ್ಟಗೆ ವೇದವ ಮರಳಿ ತಂದವಗೆ.  ಕೂರ್ಮಗೆ ಬೆಟ್ಟ ಬೆನ್ನಲ್ಲಿ ಪೊತ್ತಗೆ ವೀರಗೆ ಸತ್ಯ ಸಂಕಲ್ಪಗೆ ಮರ್ಮ ತಿಳಿಸದೆ ಅಸುರರ್ಗೆ ಸುಧೆಯನ್ನು ತಪ್ಪಿಸಿ ಸುರರ  ಪೊರೆದವಗೆ.  ವರಹರೂಪಿ ದುಷ್ಟನೆಗೊತ್ತಿ ಧರೆಯ ಮೇಲೆತ್ತಿ ಸಲಹಿದಗೆ ವರಕೊಟ್ಟ ವಿಧಿಯ ಮಾತನ್ನು ಮೀರಿದ ತ್ರಿಗುಣಹೀನ ಧೀರನಿಗೆ. ಪ್ರಹ್ಲಾದ ವರದಗೆ ನರಹರಿ ರೂಪಗೆ ದುಷ್ಟನ ಸುಲಭದಿ ಸೀಳಿದಗೆ ಆಹ್ಲಾದ ಜಗದಲ್ಲಿ ತುಂಬಿದ ವೀರಗೆ ನೆನೆವರ ಭಯ ಕಳೆಯುವಗೆ. ವಾಮನರೂಪದಿ ದಾನವ ಬೇಡಿ ಮೂರ್ಜಗವನ್ನೇ ಅಳಿದವಗೆ  ವಾಮದೇವ ಬೊಮ್ಮ ಮೊದಲಾದ ದೇವವೃಂದದಿಂ ನಿತ್ಯ ವಂದಿತಗೆ.  ರಾಮಗೆ ಭೃಗುವಂಶತಿಲಕರೂಪಗೆ ದುಷ್ಟಕ್ಷತ್ರವಂಶ ಕಿತ್ತೊಗೆದಗೆ ಸಾಮದಿಂ ಭಜಿಪರ ಭವತರು ಮೂಲಕ್ಕೆ ಕೊಡಲಿಯನ್ನೇ ಇಟ್ಟವಗೆ. ರಾಮಗೆ ದಶರಥನಂದಗೆ ಲಕ್ಷ್ಮಣನನುಜಗೆ ಮುನಿವೃಂದ ರಕ್ಷಿಪಗೆ ಸೀಮೆಯಿಲ್ಲದ ಮಹಿಮೆವುಳ್ಳಗೆ ರಕ್ಕಸಕುಲದ ಹಂತಕಗೆ. ಸಾಸಿರಸಾಸಿರ ಭಾಮೆಕೈಪಿಡಿದಗೆ ಸಾಸಿರನಾಮಗೆ ಸಿರಿ ಕೃಷ್ಣಗೆ ಸಾಸಿರಜಿಹ್ವೆಯನುಜಗೆ ಚೋರಗೆ ಸಾಸಿರ ದೈತ್ಯರ ಬಡಿದವಗೆ. ಬುದ್ಧಗೆ ದೈತ್ಯರ ಬುದ್ಧಿಯ ಕೊಂದಗೆ ಸತಿಯರ ವ್ರತವ ಕೆಡಸಿದಗೆ ಭೋಧನೆ ಮಾಡ್ದಗೆ ಸುರರೆಲ್ಲ ಬಿಸುಟಿದ ಶಸ್ತ್ರವ ಲೀಲೇಲಿ ನುಂಗಿದಗೆ.  ಕಲ್ಕಿಗೆ ಹಯವೇರಿ ಬಂದವಗೆ ಕಲಿಯ ಶೌರ್ಯವನ್ನು ಮೆಟ್ಟಿದಗ...

NARASIMHA DEVARU

 ಹಿರಿದು ಮುಖವನೆ ತೆರೆದು ಜಿಹ್ವೆ ಚಾಚಿದ ದೇವ ಸಿರಿಯ ಅರಸನೆ ನರ ಸಿಂಗ ಕಾರಣವೇನೋ. ಪ್ರಲಯ ಕಾಲದಿ ಕುಡಿನೋಟ ವಹ್ನಿ ಗೆ ಸಿಲುಕಿ ಜಲಜಸಂಭವ ಮೊದಲು ಸುರರ ದೇಹವು ಸುಡಲು ಸುಲಭದಿ ಬಾಯಲಿ ಚಪ್ಪರಿಸಿ ಉಣಲೇನೋ ಪ್ರಲಯ ದೂರವೋ ಸ್ವಾಮಿ ಲೀಲೆ ತಿಳಿಯದೊ ಎನಗೆ. ೧  ಪರಮ ಭಾಗವತರು ಶುದ್ಧ ಭಾವದಿ ನಿತ್ಯ ಪರಿಪರಿಯ ಭಕ್ಷ್ಯ ಸುಭೋಜ್ಯವ ಇಡುತಿರೆ ನಿರುತ ತೃಪ್ತನೆ ನಿತ್ಯಾನಂದನೆ ಪ್ರೀತಿಲಿ ಪರಮಪಾವನ್ನ ಉಣ್ಣುವ ಕಾರಣವೇನೋ.          ೨ ಅನನ್ಯ ಭಕುತಿ ಯಿಂದ ಶರಣಾದ ಸುಜನರ ತನುಮನ ದುರಿತವ ಹೀರುವ ನೆಪವೇನೋ ದಿನಮಣಿಪ್ರಖರಸುತೇಜನೆ ಉಗ್ರನೆ ಎನಗಾವ ಉಪದ್ರವ ಬರದಂತೆ ಕಾಯೋ.             ೩ ದುರುಳ ರಕ್ಕಸ ತಾನೆ ಒಡೆಯನೆಂದರುಹಲು ತರಳನ ಪೀಡಿಸಿ ಅಟ್ಟಹಾಸದಿಯಿರಲು ವಿರಳ ರೂಪದಿ ಕೊಂದು ನಿಜಶರಣು ತಾನೆಂದು ಸರಳ ತತ್ವವ ಜಗದಿ ಸಾರಿ ಪೇಳಲೋ ಏನೋ.      ೪ ಎನ್ನ ಭಕುತರು ಎಂದು ನಷ್ಟರಾಗರು ಪಾರ್ಥ ಇನ್ನು ಮಾತನು ಕೊಡುವೆ ಎಂದು ಚಾಚಿದೆಯೇನೋ ಚೆನ್ನ ಪ್ರಸನ್ನ ಅಸುರಭಂಜನ್ನ ಎನ್ನ ಭಕುತನ ಮಾಡಿ ಕಾಯೋ ರಾಘವ ವಿಠಲ.  ೫

KANDE NA VYKUNTA CHELUVANA

 ರೂಪಕ ತಾಳ. ಕಂಡೆ ನಾ ವೈಕುಂಠ ಚೆಲುವನ.        ಪ ಸಂಕಟಹರನ ವೆಂಕಟರಮಣನ.       ಅಪ ವೃಷಭನ ಭಯದಿಂದ ಋಷಿಗಳ ಪೊರೆದನ ಕೇಸರಿಮಡದಿಗೆ ಸುತನ ಕೊಟ್ಟವನ ಶೇಷಗೆ ಮದವನು ಅಡಗಿಸಿ ಕಾಯ್ದನ ದೋಷವನಳಿಸಿ ವಿಪ್ರಗೆ ನೆರವಾದನ ೧   ರಮೆಯ ಸಂಗಡ ಪ್ರೇಮದಿ ಕಾದನ ತಾಮರಸಭವ ಧೇನುವ ಕಾಯ್ದನ ಜನ್ಮರಹಿತನ ಬಕುಲೆಯ ಸುತನ  ಪದ್ಮೆಯ ಕೂಡಿದ ಕಿರಾತ ರೂಪನ.  ೨ ಮುದುಕಿಯ ವೇಷದಿ ಧರಣಿಯ ಕಂಡನ ಖೇದವನಳಸಿ ಹಿತವ ನುಡಿದನ ಮೋದದಿ ಶುಕನಿತ್ತ ಓದನ ಸವಿದನ ಮೋದತೀರ್ಥರ ಭಕ್ತರ ಕೈಪಿಡಿವನ. ೩ ಸುರರಸಂಘದಿ ಭಾಮೆ ಕೈಪಿಡಿದನ  ಆರುಮಾಸದ ನಿಯಮ ಕೈಗೊಂಡನ ಆರೊಂದು ಗಿರಿಗಳ ಒಡಯ ಶ್ರೀನಾಥನ ಆರೊಬ್ಬ ಸಮನು ಅಧಿಕನಿಲ್ಲದವನ. ೪ ಅಘವಿದೂರನ ನಾರದಪ್ರೀಯನ ಗಂಗೆಯ ಪೆತ್ತ ಚೆಲುವ ಪಾದನ ಸಂಗವ ತ್ಯಜಿಸಿದ ಭಕ್ತರ ಶರಣನ ರಾಘವವಿಠಲನ ದಯಾಸಾಗರನ.   ೫