Posts

Showing posts with the label DASARU

DASARAYA PALAYA GOPALARAYA

ದಾಸರಾಯ ಪಾಲಯ  ಗೋಪಾಲರಾಯ ದಾಸ ದಾಸರ ದಾಸ   ದಾಸ ಎಂದೆನಿಸಿ ನಿತ್ಯ ಹೇಸಿ ವಿಷಯಗಳಲಿ ಘಾಸಿ ಮಾಡದೆ ಎನ್ನ ಒಂದು ಅರಿಯೆನು ನಾನು   ಅಂಧ ಕೂಪದಿ ಇಹೆನು ಮುಂದೆ ದೊಡ್ಡ  ಗಿರಿಯು   ದಂದ ಶೂಕವು ಪ್ರಚುರ ಹಿಂದೆ ದಾರಿಯು ಮಸುಕು ಮುಂದೆ ಕಂಟಕ ಮಾರ್ಗ ಬಂಧು ಬುಧ ಜನಪ್ರಿಯ   ನಿಂದು ನಡೆಸಲಿಬೇಕು.       ೧ ಭವನದೊಳಿಹನೊಬ್ಬ  ಅವನಿಪಾಲನು ಸಮ ಅವಗಿಲ್ಲೆನ್ನುತ             ಅವನಿಧರನ ಮರೆತು ದವದಿ ಷಟ್ಕರಿ ಸಹ      ದ್ರವಗೈವ ತುರಗದಿ ಅವ ಖಟ ಸೇರುವ      ಅವನ ದಯೆಯಲಿ ಮಾಡು.   ೨ ಇಹ ಪರಗತಿ ನೀನೆ        ಕುಹಕ ಬಿಡಿಸಿ ಸುಜನ ಸಹವಾಸದಿರಿಸುತ್ತಾ      ಗಹನಾಬ್ಧಿ ದಾಟಿಸೋ ಸಹಿಸೆನ್ನ ಅವಗುಣ       ಅಹಿಶಯನನೊಲುಮೆಯ ಅಹರಹಃ ದೊರಕಿಸೋ ಅಹೋ ರಾಘವವಿಠಲದಾಸ.೩

SRI JAGANATHA DASARU

ಗುರು ಜಗನ್ನಾಥ ದಾಸರ ಪಾದವ ಉರು ಭಕುತಿ ಇಂದಲಿ ಭಜಿಸೆಲೊ ಮನುಜ ವಿಜಯ ರಾಯರ ಪೂರ್ಣ ಕರುಣಾ ಪಾತ್ರರು ಬುಧರು ವಿಜಯ ವಿತ್ತು ಭವವ ದಾಟಿಸಿ ಪೊರೆವರು.  ೧ ಗೋಪಾಲದಾಸರ ಚರಣ ಪದುಮ ಭೃಂಗ ಆಪತ್ತುಗಳ ಹರಿಸಿ ಇರಿಸು ಹರಿಪದ ಸಂಗ.    ೨ ರಂಗನ ಮಂಗಳ ಪದ ಕಂಡ ಸುಭಗನೇ ಭಂಗಗೈದು ಕಾಯೋ ಬಂಧನವಾ.                ೩ ಹರಿಕಥೆ ಸುಧೆಯನು ವಸುಧೆಯೊಳ್ ಹರಡಿದೆ ಹರಿತತ್ವಗಳು ಮನದಿ ಪೊಳೆವಂತೆ ಮಾಡೋ. ೪ ಇವರ ಭಾಗ್ಯವನೆಂತೋ ವರ್ಣಿಸಲಿ ಅಲ್ಪನು ಇವರ ಭಜಿಸಲು ಪೊರೆವ ರಾಘವ ವಿಠಲನು. ೫

HARIDASA NENISUVUDU

ಹರಿದಾಸನೆನಿಸುವುದು ಬಹುದುರ್ಲಭವಯ್ಯ ಹರಿದಾಸ ಜಗದೊಳು ಬಹುದುರ್ಲಭವಯ್ಯ ಅರಿಷಡ್ವರ್ಗಗಳ ಜಯವಿರಲಿಬೇಕು  ಹರಿಸರ್ವೋತ್ತಮನೆಂಬ ಅರಿವು ಇರಲಿಬೇಕು ಅರಿ ಮಿತ್ರ ಮಧ್ಯಸ್ಥರೊಳು ಸಮಬುದ್ಧಿ ಇರಲಿಬೇಕು ಹರಿ ಸರ್ವ ಪ್ರೇರಕ ಸರ್ವತಂತ್ರ ಎನಲಿಬೇಕು. ವರ ಮುದ್ರೆಗಳ ಧರಿಸಿ ಹರಿನಾಮ ಪಾಡಲಿಬೇಕು ಹರಿದಿನ ಉಪವಾಸ ಜಾಗರ ಮಾಡಲಿಬೇಕು ಹರಿ ಭಕುತರ ಕೂಡಿ ಸ್ಮರಿಸಿ ಕುಣಿಯಲು ಬೇಕು ಹರಿ ನಿಂದಕರ ಸಂಗ ಮಾಳ್ಪರ ಬಿಡಲಿಬೇಕು. ಹರಿ ಆವ ಕಾಲಕ್ಕೂ ಗತಿಯೆನುತಲಿರಬೇಕು ಹರಿ ಅನ್ಯರ ಭಜನೆ ದೂರ ಮಾಡಲಿಬೇಕು ಹರಿ ಚರಣಯುಗಳವ ಸ್ಮರಿಸುತ್ತಲಿರಬೇಕು ಹರಿದಾಸ ದಾಸರ ಅನುಸರಿಸುತ್ತಿರಬೇಕು. ಕಂಡು ಕಾಣದಂತೆ ಇಪ್ಪ ಹರಿದಾಸ ಎನಿಸನು ಪಂಡಿತರೆಂಬೋರವರ ಬಹು ಹೆಮ್ಮೆ ಪಡುವರ ಭಂಡತನದಲಿ ಹರಿದಾಸರ ದೂಷಿಪರು ದಂಡ ಮಾಳ್ಪರು ಜನುಮ ದಾಸರೆನಿಸುವರೇ. ಮಧ್ವನಾಥಗೆ ಸಮಯಿಲ್ಲ ಎಂಬುವನೇ ದಾಸ ಮಧ್ವರಾಯರ ಉಕ್ತಿ ನಂಬುವವನೇ ದಾಸ ಮಧ್ವಮತದ ಪದ್ಧತಿ ಬಿಡದವನೇ ದಾಸ ಮಧ್ವೇಶ ರಾಘವ ವಿಠಲ ಭಜಕನೇ ದಾಸ.

PURANDARA DASARU

ಗುರು ಪುರಂದರ ದಾಸರ ನೀ ಬಿಡದೆ ಭಜಿಸೆಲೋ ಮಾನವ ಉರಿವ ಭವದ ತಾಪತ್ರಯಗಳ ಒಡನೆ ಅಳಿಸುವ ಕರುಣಿಯ ದೇವಗಾಯಕ ಚಿತ್ರ ಮಹಿಮನು ದೇವದೇವನ ಮಹಿಮೆಯ ಆವ ಕಾಲಕು ಬ್ರಹ್ಮ ಸದನದಿ ಚೆಂದ ಪದದಿಂ ಪಾಡುವ ದೇವ ಋಷಿಯು ಹರಿಯ ಆಜ್ಞೆಲಿ ವಸುಧೆಯೊಳು ತಾ ನೆಲೆಸಿದ ಭಾವ ತೋರಿದ ಶಾಸ್ತ್ರ ಕೃತಿಗಳ ದಾಸರಾಯನು ಎನಿಸುತ.  ೧ ಸಕಲ ಲೋಕಗಳಟನ ಮಾಳ್ಪನು ನಿಷ್ಕಳಂಕ ಚರಿತನು ಸಕಲದೇವಕಾರ್ಯಸಾಧಕ ಸಕಲಲೋಕದಿ ಪೂಜಿತ ವಿಕಲ ಮತಿಗಳು ಜರಿದು ಇವರ ಖೇದ ಪಡುವರು ನಿಶ್ಚಿತ ಸಕಲ ಭಾಗ್ಯವನೀವ ನಾರದ ಭುವಿಯೊಳಿಂತು ವಾಸಿಪ. ೨ ವ್ಯಾಸರಾಯರ ಶಿಷ್ಯನೆನಿಸುತ ಮಹಿಮೆ ಬಹುಲ ತೋರುತ ವಾಸುದೇವನೆ ಪರಮ ದೈವನು ಎಂದು ಜಗದಿ ಸಾರಿದ ವ್ಯಾಸದೇವನ ಸೂತ್ರ ತತ್ವವ ಲಲಿತ ಪದದಲಿ ಪಾಡುತ ಬೇಸತ್ತು ಭವದಲಿ ಶರಣು ಹೊಕ್ಕ ನರರ ದಡಕೆ ಹಾಕುವ.   ೩ ಸುರರ ಮುನಿಯು ಭಜಿಸಿ ಕೃಷ್ಣನ ಒಮ್ಮೆ ಇಂತು ಕೇಳಲು ಧರೆಲಿ ದಾಸನು ಆದ ಕಾಲಕೆ ಎನ್ನ ಕೂಡಿ ಕ್ರೀಡಿಸು ಪರಮ ಕರುಣಿ ಪಾಂಡುರಂಗನು ವಿವಿಧ ಕ್ರೀಡೆಯ ತೋರಿದ ವರದ ಶ್ರೀ ಹರಿ ಪೂರ್ಣ ಒಲುಮೆಗೆ ಪಾತ್ರನೆಂದು ‌ಸ್ಮರಿಸುತ.  ೪ ತ್ಯಾಗಿ ವೃಷಭನು ನಿರುತ ಕೃಷ್ಣನ ಭೋಗಿ ಶಯನನ  ಮಹಿಮೆಯ ರಾಗದಿಂದಲಿ ಪಾಡಿಪೊಗಳುತ ಆಗಮಾರ್ಥನ ಕಂಡನು ಜಾಗು ಮಾಡದೆ ಭಜಿಪ ಜನಗಳ ಬೇಗೆ ಸೃತಿಯಲಿ ಕಳೆಯುತ ವೇಗದಿಂದಲಿ ಮನಕೆ ತಂದು ರಾಘವ ವಿಠಲನ ಕೂಡಿಸು.  ೫