TEPPADOLIPPA APPANE KAYO

ತೆಪ್ಪ ದೊಳಿಪ್ಪ    ಅಪ್ಪನೇ ಕಾಯೋ 
ತಪ್ಪುಗಳೊಪ್ಪಿ  ಕಂದರ್ಪನಯ್ಯ. 

ಕಾಲಕಾಲಕ್ಕೆ ಏಳದ ತಪ್ಪು 
ಕಾಲಕಾಲಕ್ಕೆ ಸಂಧ್ಯೆ ಮಾಡದ ತಪ್ಪು 
ಕಾಲಕಾಲಕ್ಕೆ  ಗುರುಹಿರಿಯರ ನೋಡದಾ ತಪ್ಪು
ಕಾಲಕಾಲಕ್ಕೆ ಕಾಲನ ನೆನೆಯದ ತಪ್ಪು.                ೧

ಜಪ ಮಾಡದ ತಪ್ಪು ತಪ ಮಾಡದ ತಪ್ಪು 
ವಿಪಗಮನನ ಸುಲಭ ಪೂಜೆ ಮಾಡದ ತಪ್ಪು
ಅಪವರ್ಗದೊಡೆಯಗೆ ನಮಿಸಿ ಭಾಗದ ತಪ್ಪು
ಉಪಮೆ ರಹಿತನ ಕಥೆಯ ಎಂದು ಕೇಳದ ತಪ್ಪು. ೨

ಕುಪಿತನಾಗಿ ಶಿಷ್ಟರ ಜರಿಯುವ ತಪ್ಪು 
ಕುಪಥಗಾಮಿಗಳ ಅನುಸರಿಸುವ ತಪ್ಪು 
ಸುಪಥ ತೋರ್ವರ ಅಣಕಿಸೊ ತಪ್ಪು
ಕಪಟತನದೊಳು ನಿತ್ಯ ಮೆರೆಯುವ ತಪ್ಪು.         ೩

ಕಾರ್ಯಾಕಾರ್ಯವ ತಿಳಿಯದ ತಪ್ಪು 
ಕಾರ್ಯಕೃತ್ಯವ ಮರೆಯುವ ತಪ್ಪು ಅ
ಕಾರ್ಯ ಕೈಗೊಳ್ಳುವಾಗ ಲಜ್ಜೆ ಇರದ ತಪ್ಪು
ಕಾರ್ಯಗಳ ನಾನೇ ಮಾಳ್ಪೆ ನೆನುವ ತಪ್ಪು.         ೪

ಕರಿವರವರದನೆ ಪ್ರಹ್ಲಾದವರದನೆ

ಧರುಮ ವ್ಯಾಧಗೆ ಒಲಿದ ಹದ್ದಿಗೆ ಒಲಿದನೆ
ಪರಿಪರಿಯಲ್ಲಿ ಕರವ ಮುಗಿದು ಬೇಡುವೆ ಎನ್ನ 

ಪರಮಪುರುಷ  ಸಲಹೋ ರಾಘವ ವಿಠಲಯ್ಯ.  ೫