NARAYANA DEVA

 ರೂಪಕ ತಾಳ.

ನಾರಾಯಣ ದೇವ   ಮತ್ತೆ ಮನೆ ಮಾಡಿದ
ನೀರಜಾಕ್ಷನ            ಮಹಿಮೆ ಕೇಳಿರಯ್ಯಾ

ಒಂಭತ್ತು ಅಂಗಳ        ತಪನೀಯ ಕುಡ್ಯವು
ತುಂಬಿತು ಈರೇಳು      ಉಪ್ಪರಿಗೆಗಳು
ಬಾಂಬೊಳೆ ಸ್ವರ್ಣಗಿರಿ  ಚಿತ್ರಾಬ್ಧಿ ದ್ವೀಪಗಳು
ಎಂಭತ್ತು ಲಕ್ಷಕಧಿ         ಜಂತು ರೀತಿಗಳು.           ೧ 

ತರಣಿ ಚಂದಿರ             ದ್ವಿಜ ಮೇಘವಲಯವು
ಸರಿತು ನದ ವ್ಯೋಮ    ಹುತವಹ ಮಾರುತ
ಧರಣಿಯೊಳು  ಚಿತ್ರ      ಕ್ಷೇತ್ರ ತೀರ್ಥಂಗಳು
ಪರಿಪರಿ ಸರ್ಗವ           ಮಾಡಿ ಗತಿಗಳಯೀವ .  ೨

ಮೂರು ಪೊಳೆವ ಕೋಣೆ  ಒಂದು ಕತ್ತಲು ಕೋಣೆ
ಸೇರಿಸಿ ವಸ್ತುಗಳ              ಒಪ್ಪ ಓರಣವಾಗಿ
ಈರ ತಾತಗೆ                    ರಾಘವ ವಿಠಲನಾಟಕ್ಕೆ 

ಸೇರಿ ದಿವಿಜರೆಲ್ಲ              ಕಟ್ಟಿದಂತಹ ಮನೆ.      ೩