DEEPAVALI STOTRA
ದೀಪ ನಾಮಕ ಹರಿಯು ಭಕುತ ಜ
ನಪಾಲ ಲಕುಮಿ ಲೋಲ ಭಜಿಪರ
ತಪ್ಪು ನೋಡದೆ ಬಂದು ಸಲಹುವ ಭಕ್ತವತ್ಸಲನು
ಪಾಪ ರಹಿತರ ಭಕುತಿ ಗಳನು
ದ್ದೀಪ ಗೊಳಿಸುವ ಕಷ್ಟ ಗಳನು
ದ್ದೀಪ ಗೈಸುವ ಪಾಪಿ ಜನಗಳ ರಾಘವವಿಠಲನು.
MADIVANTARU UNABAHUDANNA
ಮಡಿವಂತರುಣಬಹುದಣ್ಣ . ಕಡಿ ಕಡಿ ಕಲಿಕಾಲ ಮಡಿದು ಹೋಗಿದೆ ಧರ್ಮ. ಉದಯ ಕಾಲಕೆ ಎದ್ದು ವಾಪಿಕೂಪದಿ ಮಿಂದು ಮದದಿಂದ ಮಡಿಯುಟ್ಟು ಬಿಂಕದಿ ಪೂಜಿಸಿ ಬುಧರ ದುರಿತವ ಜಪಿಸಿ ಕ್ರೋಧಾಹುತಿಗಳ ಹಾಕಿ ಹೃದಯ ಕಲ್ಮಷದಿಂದ ಉಣುವುದು ಮಡಿಯೇ. ೧ ಮೌನದ ಸೋಗನು ಹಾಕಿ ಶಿಖೆಯನು ಕೆದರಿ ನಾನೊಬ್ಬ ಶುಚಿಯೆಂದು ಅಶುಚಿ ವಿಷಯಗಳನಾಡಿ ಮಾನವಿದೂರನ ಶೇಷವೆಂಬುದ ಮರೆತು ಮಾನ ರುಚಿಯೊಳು ಇಡುತ ಉಣುವುದು ಮಡಿಯೇ. ೨ ಪಾಕಶೋಧಕ ಹಂಸ ಸ್ಮರಣೆಯು ಮಡಿಯು ಪಾಕದೇವತೆ ವಾಯು ಸಿರಿಹರಿ ಸ್ಮೃತಿ ಮಡಿಯು ನೋಕನೀಯನು ಉಂಡು ಬಿಟ್ಟಿದ್ದು ಮಡಿಯು ಸೂಕರಾನ್ನವು ಡಂಭತನದೊಳು ಹಾಕಲು. ೩ ಪಂಕ್ತಿ ಪಾವನರೊಳು ಉಣುವುದೇ ಮಡಿಯು ಸಕ್ತಿ ಶ್ರೀ ಹರಿಪಾದದೊಳಗಿರೆ ಮಡಿಯು ವಿ ರಕ್ತಿ ಉಳ್ಳವರನ್ನ ಮೆಲುವುದೇ ಮಡಿಯು ಸೂಕ್ತಿಯಿಂದಲಿ ಕರೆದು ಅನ್ನವಿಕ್ಕಲು ಮಡಿಯು. ೪ ಭೋಗಿಶಯನನ ಭಕುತರಿತ್ತ ಅನ್ನವು ಮಡಿಯು ಬೇಗ ಅನ್ನದ ಅನ್ನ ಅನ್ನಾದ ಸ್ಮೃತಿ ಮಡಿಯು ಗೂಗಿಯಂದದಿ ಹರಿಯ ಕಾಣದ ಮನುಜನ್ನ ರಾಘವ ವಿಠಲ ತಾನು ಮೆಚ್ಚನು ಎಂದಿಗೂ. ೫
Comments
Post a Comment